Kryeprokurorja speciale e Maqedonisë, Katica Janeva deklaroi se kanë nisur hetimet për krim financiar në shumë vende evropiane, ku përfshihen Holanda, Greqia, Britania dhe Çekia. Në këto vende, tha ajo, Prokuroria Speciale po heton nxjerrje fondesh me burim buxhetin shtetëror.
“Ne kemi еdhe kontakte të tjera me vende të tjera të drejtpërdrejta, prokurorët tanë kanë shkuar atje për hetime, kështu që shpresoj se do të zbulojmë se ku janë paratë dhe ku kanë mbetur dhe nëse janë ende në Republikën e Maqedonisë”, tha Janeva.
Ajo theksoi më tej se Prokuroria Speciale nuk i ka duart e lidhura për hetime financiare ndërkombëtare, ndërkohë që së shpejti do të ketë një vendim mbi aferën “Shkupi 2014”.
“Ne prej shumë kohësh po hetojmë ‘Shkupi 2014’ dhe shpresoj që së shpejti do të dalim me një vendim prokurorial”.
Gjithashtu ajo paralajmëroi se së shpejti do të vendoset nëse do nisen hetime mbi rastin “Monstra” apo “Sopoti”. /tesheshi.com/
