Edhe përkundër faktit që presidenti i shtetit maqedonas Gjorgje Ivanov solli vendim për t’i amnistuar të gjithë politikanët e inkriminuar në përgjimet e liderit opozitar Zoran Zaev, Prokuroria Speciale nuk e ka ndërmend të ndalojë me hetimin e veprave penale.
Ata janë kategorik se presidenti maqedonas, Gjorge Ivanov nuk do të ketë mundësi që të amnestoj të gjithë të dyshuarit për veprat penale në Maqedoni.
Zëdhënësja e PSP-së, Ristovska në një pres konferencë për media ka thënë se Prokuroria Speciale ka detyrë ligjore të vazhdojë me punë dhe nuk ka vend për brengosje. Sipas saj të gjithë ata të cilët kanë kryer vepra penale do të japin përgjegjësi penale.
“Asnjë person nuk mund t’i ikë drejtësisë, do të jep llogari për gjitha veprimet ilegale”, tha Ristovska.
Në konferencën për shtyp të Prokurorisë Speciale Publike kanë marrë pjesë një numër i madh i përfaqësuesve të huaj diplomatikë në vend, mes të cilëve edhe ambasadorët e Gjermanisë, Britanisë së Madhe dhe të Italisë, Kristine Althauzer, Çarls Garet dhe Ernesto Beleli. /tesheshi.com/
