Një ditë pas publikimit të të ashtëquajturve uzurpatorë të pronave publike në Kosovë, Prokuroria e Shtetit ka paralajmëruar masa ndaj emrave që ishin në listat e Agjensionit Kosovar të Privatizimit.
“Kushdo që i pa autorizuar, apo në mënyrë të kundërligjshme, ka hyrë në objektet të cilat janë në pronësi të Agjensionit Kosovar të Privatizimit, apo të atyre që kanë lidhur kontratë me AKP-në dhe nuk largohen nga ato objekte sipas kërkesës së personave të autorizuar ndaj tyre do të fillohet procedura penale”, tha zëdhënësi i Prokurorisë së Shtetit Ekrem Lutfiu, për portalin kallxo.com.
Ndërkohë, ai tha se palët e dëmtuara mund t`i drejtohen edhe gjykatave për kompensimin e dëmit të shkaktuar nga personat që kanë shfrytëzuar pronën e tyre pa autorizim. /tesheshi.com/
