Janë publikuar të dhëna të reja për krimet ruse të luftës. Zyra e prokurorit ukrainas deklaron se ka regjistruar 6999 krime lufte dhe 3190 krime kundër sigurisë kombëtare. Ai shton gjithashtu se që nga fillimi i luftës janë vrarë 202 fëmijë dhe janë plagosur 316.
Shumë prej afro pesë milionë njerëzve që kanë ikur nga Ukraina nuk do të kenë shtëpi ku të kthehen, kanë paralajmëruar Kombet e Bashkuara.
Kur zëvendësministri i Brendshëm polak Maciej Wąsik tha në fund të janarit se vendi i tij “duhet të jetë gati për një valë prej një milion njerëzish” në rast të një agresioni të madh rus të Ukrainës, shumë menduan se ishte një ekzagjerim.
Харьков. Снаряд попал в мусорный бак, прохожая не пострадала #StopRussia #StopWar #StopWarInUkraine #StopPutin #StopPutinNOW pic.twitter.com/t8zODuKCvx
— Activatica (@Activatica) April 17, 2022
53 ditë pas agresionit, sipas UNHCR-së, gati pesë milionë ukrainas janë larguar nga vendi. Rreth 90% e atyre që u larguan janë gra dhe fëmijë, pasi qeveria vendosi një gjendje të jashtëzakonshme që ndaloi largimin e burrave të moshës 18-60 vjeç.
Në fillim të prillit, UNHCR raportoi se më shumë se shtatë milionë njerëz ishin të zhvendosur brenda vendit.
#RussianUkrainianWar Харьков сейчас. pic.twitter.com/DUQggyF966
— Svitlana (@Fotiniy_) April 17, 2022
Polonia mbetet destinacioni kryesor për refugjatët ukrainas, ku vendi pranon rreth 2.69 milionë refugjatë, e ndjekur nga Rumania me rreth 720,000 njerëz.
Javën e kaluar, Sekretarja e Jashtme britanike Priti Patel kërkoi falje për kohën që iu desh që refugjatët ukrainas të mbërrinin në Mbretërinë e Bashkuar sipas dy skemave të vizave, pasi shifrat e reja treguan se vetëm 12,000 kishin mbërritur në Britani deri më tani. /tesheshi.com/
