Prokuroria e Barcelonës ka kërkuar 18 muaj burgim për babain e Lionel Messit, që dyshohet se ka kryer evazion fiskal në vlerën prej 4.1 milionë eurosh. Gjithçka lidhet me administrimin e të drejtave të imazhit të Messit, të cilat i ka kontrolluar i ati i tij, Jorge Horacio Messi.
Në padinë ndaj tij, e cila është paraqitur nga prokurorët në Gjykatën e Udhëzimit në Barcelonë, vërtetohet se Jorge Messi ka kryer evasion fiskal, dhe është kërkuar të dënohet me burg. Prokuroria ka prova se argjentinasi e mbajti të fshehur këtë fakt gjatë gjithë kohës së hetimeve.
Për këtë arsye, para prokurorisë pati dalë edhe vetë futbollisti, Lionel Messi, i cili do të deklaronte se nuk ishte në dijeni të këtyre informacione. Duke e parë këtë pozicion të futbollistit, prokuroria ia ka hedhur tërë fajin babait të tij, dhe e sheh atë si përgjegjës kryesor në fshehjen e të ardhurave, dhe për këtë duhet të arrestohet e të dënohet me 18 muaj burg. /tesheshi.com/
