Pak ditë pas publikoi dosjen e Mark Frrokut, organi i akuzës ka publikuar dhe dosjen e një tjetër ish-deputeti, atë të Armando Prengës, mbi të cilën rëndojnë akuzat: armëmbajtje pa leje në ambiente publike; plagosje me dashje; si dhe kanosje me jetë.
Por ndryshe nga Frroku, për Prengën nuk është bërë e ditur se sa mund të dënohet ai në bazë të akuzave të ngritura.
Pak muaj më parë, ish-deputeti socialist u përfshi në një sherrnajë me familjen Cali, posedues prej vitesh të lagunës së Patokut në Laç, ku u përdorën dhe armët.
Politikisht, opozita e konsideronte deputetin Prenga si kontigjent krimi, edhe për faktin se ai disa herë ishte përfshirë në incidente me deputetët e saj, siç qe rasti me Genti Strazimirin, për të cilin thuhej se e goditi edhe me rryp pantollonash në banjot e parlamentit. /tesheshi.com/
