Në shkresën që Prokuroria i ka dërguar Kuvendit për heqjen e mandateve për dy deputë, Tom Doshi dhe Mark Frroku, ndër të tjera ka ka nënvizuar dhe faktin se arrestimi i tyre është i nevojshëm dhe si provë force e institucioneve.
Duhet thënë se “Akuza” shqiptare ka qenë gjithnjë nën akuzë gjatë viteve të tranzicionit, si e pafuqishme për të hetuar dhe çuar para ligjit politikanët e dyshuar për afera kriminale ose korruptive.
Por dhe njëherë që veproi shpejt, në rastin e vrasjeve të 21 Janarit, kryeprokurorja në detyrë e asaj kohe, Ina Rama, u akuzua nga kryeministri në detyrë Sali Berisha, si pjesë e një puçi për t`i marrë pushtetin me dhunë.
Sakaq, në një deklaratë për shtyp, deputeti Mark Frroku është shprehur se nëse ndiqet i njëjti kriter nga Prokuroria siç po ndiqen me të, ku arrestimi kërkohet me akuzën për dëshmi të rreme, atëherë duhet arrestuar gjysma e parlamentit, thotë Frroku, pa e specifikuar se për ç`raste është fjala. /tesheshi.com/
