Prokurori-Polici në luftë të hapur: Tirana përjeton skena grushti shteti

Nuk ka ndodhur kurrë më parë si sot. Shqipëria po përjeton një skenë të qartë përplasjeje mes institucionesh, e cila lehtësisht mund të çojë në grusht shteti apo në kaos.

Shteti është vënë kundër shtetit dhe asnjëra palë nuk po kursen asgjë. Si në një zënkë andoleshentësh.

Prokurorë që mësyjnë në selinë e Policisë së Shtetit dhe Ministrisë së Brendshme dhe kjo e fundit që thërret në gatishmëri numër 1 të gjithë efektivin e uniformave blu.

Garda e Republikës, që përkohësisht shërben si seli e Ministrisë së Brendshme është mbushur me efektiva të shumtë policie nga të gjitha repartet që mbajnë këmbëzën në shënjestër për një urdhër operacional. Prej 24 orësh, në rrugëve të Shqipërisë janë shtuar masat e sigurisë në çdo rrugë nacionale.

Vetë ministri i Brendshëm, Sajmir Tahiri, por edhe kryeministri Edi Rama e kanë bërë të ditur sot se nuk do të lejojnë më një veprim ekstrem nga Prokuroria siç pritet arrestimi i Ministrit të Brendshëm.

“Ka ardhur dita që jemi në një test historik për t’u ndarë nga e shkuara. Jemi përpara një provimi madhor për të ardhmen e fëmijëve tanë. Duhet të ndajmë nëse në drejtësi na duhen prokurorë e gjyqtarë që vendosin për qytetarin apo për të fortin. Nuk duam të korruptuar në gjykata që janë peng i atyre që i kanë emëruar”, tha Tahiri në Panairin e Policisë.

Ndërkaq, kryeministri Edi Rama ka sulmuar gjykatësin që ka vendosur pezullimin e Haki Çakos duke paralajmëruar një përlasje kokë më kokë nëse tentohet të tronditet Policia e Shtetit.

Çdo të ndodhë nëse prokuroria do të kërkojë arrest për ministrin Saimir Tahiri?!

LSI dhe qarqe brenda PS-së do të kërkojnë shkarkimin e tij dhe zëvendësimin e menjëhershëm.

Por burime qeveritare i thanë tesheshi.com, se ky veprim do të thoshte “kalimin e vijës së kuqe” dhe nisjen e një lufte të paparë institucionale në vend, që do të sillte jo thesht mosekzekutimin e vendimeve por mbledhjen e parlamentit dhe marrjen e masave që i cilësojnë “të jashtëzakonshme”.

Qeveria ka miratuar një vendim për mobilizimin e popullsisë për forcat rezerviste për situatat e gjendjes së jashtëzakonshme; dhe në Vlorë para pak ditësh u hap edhe qendra e rekrutimit të rezervistëve. Ndoshta e ekzagjeruar…por situata është vërtet shpërthyese. /tesheshi.com/