Prokurori i Përgjithshëm amerikan Jeff Sessions ka dalë në mbrotje të presidentit Donald Trump në përgjigje të kritikave ndaj Trump pas dhunës që shpërtheu në një protestë në Sharlotsvill të Virxhinias.
Sessions tha se deklarata e Trump është interpretuar në mënyra të ndryshme.
Dule folur për rrjetin televiziv “NBC” ai tha se presidenti Trump kishte “dënuar në mënyrë të qartë dhunën dhe se ishte plotësisht kundër vlerave të përkrahura nga organizata e “supremacistëve të bardhë”, raporton VOA>
Prokurori i Përgjithshëm tha se ai pret që presidenti Trump të thotë më shumë, kur u shpreh se “mendoj se do ta dëgjoni atë përsëri sot”. Ai vuri në dukje se Shtëpia e Bardhë e kishte dënuar shprehimisht dhunën e ushtruar nga të bardhët supremacistë në një deklaratë të dielën.
“Mendoj se ai do të bëjë atë që është e duhur ndërkohë që faktet kanë dalë”, theksoi prokurori.
Ai dhe zyrtarë të FBI-së do të takohen sot me presidentit Trump, lidhur me këtë çështje./tesheshi.com/
