Prokuroria e Përgjithshme dhe Komisioni Qendror i Zgjedhjeve kanë nënshkruar një marrëveshje që konsiston në mbarëvajtjen e procesit dhe kontrollit të kandidatëve për të shkuar kriminale.
Marrëveshja u nënshkruaditën e sotme ndërmjet kryeprokurorit Adriatik Llalla dhe kryetares së KQZ Lefteri Luzi.
Në fjalën e tij Llalla tha se do të punohet për hetim të plotë dhe në kohë reale të incidenteve gjatë zgjedhjeve, ndërsa shtoi se do të zbatohet praktikë e re për monitorimin e fushatës.
Kryeprokurori i kërkoi KQZsë dhe vetë qytetarëve që të referojnë problemet në Prokurori.
Në një prononcim për mediat pas nënshkrimit të marrëveshjes, Llalla ka deklaruar se institucioni i drejtuar prej tij ka nisur hetimet për disa kandidatë që garojnë në këto zgjedhje.
Por nga ana tjetër, numri 1 i organit qendror të akuzës ka nënvizuar se, “nuk kemi të dhëna për kandidatë me rekorde kriminale”.
