Me një plumb në qafë por në jetë, gjyqtari Ndoja ka dhënë dëshminë e parë te prokurorët që mësynë spitalin ku gjendet ai e dy të tjerët bashkë me të, pas atentatit te mbikalimi i Shkozetit. “Nuk janë unë shënjestra e atentatit”, mësohet t’u ketë thënë Ndoja kolëgëve të tij të hetimit, duke sqaruar se gjithçka ka ndodhur pas një dreke të tij me “të fortin” Landi Muharremi në zonën e Plazhit. Destinacioni i tyre më pas do qe kryeqyteti.
Ndërkohë, policia ka gjetur një automjet të braktisur e jo të djegur pak kilometra më tutje, në zonën e Ishmit, ku brenda ka patur dhe dy kallashnikovë e dy maska. Mendohet se ka qenë i autorëve, të cilët nuk kanë arritur t’i vënë flakën, një praktikë e njohur kjo në të tilla raste.
Atentati ndaj Ndojës vjen pas akuzave qeveritare ndaj tij si “prokuror i bandave”. E ky cilësim, bërë nga vetë kryeministri Rama, ka patur si “provë” shoqërimin e tij në rastin e atentatitme njeriun që njihet dhe si autori kryesor i rrahjes brutale të biznesmenit libanez që do investinte në Lalëz, Fadi Mitri, ngjarje e ndodhur në 2016. /tesheshi.com/
