Prokurori i njohur Shkëlqim Hajdari ka treguar një vetëpërmbajtje etike lidhur me reagimet e shumta, edhe mediatike, pas transferimit të tij si prokuror në Shkodër nga ana e kreut të Prokurorisë së Përgjithshmë, Adriatik Llalla. Kjo është konsideruar si një lloj hakmarrje e Llallës karshi njeriut më të cilin ka patur një përplasje kohë më parë gjatë një Konference Kombëtare.
Por vetë prokurori Hajdari nuk ka dashur të ushqejë dhe më përfoljet e shumta për hakmarrje, duke zgjedhur të tregohet etik nga pikëpamja njerëzore dhe parimor nga pikëpamja profesionale.
Në një statut të tij në FB, ai është mjaftuar me 5 rreshta dukë thënë:
“Ashtu siç është bërë e ditur në media, lëvizja ime nga Prokuroria e Tiranës në atë të Shkodrës ka shqetësuar miqtë e mi, brenda dhe jashtë vendit.
Miqtë e mi, mos u shqetësoni, pasi jam i kënaqur që fjalët e mia, puna ime, ka qenë dhe do të jetë në shërbim të drejtësisë. Vetëm kështu do ta bëjmë të gjithë së bashku më të mirë këtë vend.”
Eshtë ky statusi i Hajdarit që nuk ka lënë shteg për t’i vijuar më tej edhe në hapësirat virtuale mospajtimet që mund të ketë me Llallën. Madje të bën përshtypje idealizmi i tij në fjalët “kështu do ta bëjmë të gjithë së bashku më të mirë këtë vend”, ndërkohë që prej namit të keq që ka drejtësia (por jo ai personalisht), një njeriu të saj nuk para do i shkonin. Por vlen për t’i marrë në konsideratë, derisa nuk ka pranuar të bëjë grricësin në FB me eprorin e tij, për transferimin e tij. /tesheshi.com/
