David Schwendiman, prokurori kryesor i task-forcës speciale të BE-së për hetime ndaj akuzave për krime lufte në Kosovë nuk përjashton mundësinë që të caktohet në krye të Gjykatës Speciale. Ai ka treguar në një intervistë për gazetën serbe, “Danas” rrugën sesi mund ta marrë këtë detyrë.
“Në bazë të dispozitave të ligjit të cilat Kuvendi i Kosovës i miratoi – në paragrafin e gjashtë të nenit 35, përcaktohet një prokurori special, ndërsa një autoritet i caktuar mund që Kryeprokurorin i grupit për hetime të posaçme, ta emërojë si prokuror special. Prokurori Special është titulli zyrtar i kryeprokurorit i cili është përgjegjës për dërgimin e akuzave para Gjykatës Speciale”, ka thënë Schwendiman.
Sipas tij, task-forca që ai drejton po vijon punën që ka pasur deri më tani, ndërsa me detajet e zbatimit të ligjit për themelimin e Gjykatës Speciale po merren persona të tjerë.
Prokurori amerikan Schwendiman e ka marrë detyrën e shefit të task-forcës për krime lufte në Kosovë, vitin e kaluar. /tesheshi.com/
