Një periudhë të gjatë kohore, lëndë e interesit nga thuajse të gjitha mediat në Maqedoni ka qenë libreza partiake e partisë politike LSDM dhe fletëpagesa për gjoja verifikimin e anëtarësisë në të cilën ka qenë emri dhe mbiemri i Prokurores Speciale, Katica Janevës.
Kështu duke parë që këto propaganda mediatike nuk kanë të ndalur, Janeva për herë të parë ka hedhur poshtë të gjitha informacionet se ajo ndonjëherë ka qenë anëtare e ndonjërës nga partitë politike.
“Bëhet fjalë për dokumentet të pavërteta. Unë asnjëherë nuk kam qenë anëtare e partisë politike LSDM, e as nuk ka paguar gjoja verifikimin e anëtarësisë në këtë parti”, ka thënë Prokurorja Speciale, Katica Janeva.
Ajo ka bërë apel deri tek mediat që para se të publikojnë lajme duke u thirrur në gjoja dokumente, të verifikojnë saktësinë e dokumentit në të cilat thirren.
Njëkohësisht nga Prokuroria Speciale në cilësinë e institucionit të pavarur kanë bërë apel që organet kompetente të hetojnë keqpërdorimin e të dhënave personale të prokurores speciale Katica Janeva, duke pasur parasysh se edhe në periudhën e kaluar, po edhe tash ky keqpërdorim po përsëritet.
Së fundi, edhe partia më e madhe opozitare maqedonase, LSDM ka reaguar përmes një komunikate ndaj pretendimeve se prokurorja speciale, Katica Janeva, më herët ka qenë anëtare saj, duke e quajtuar atë spekulim dhe akuzë e dalë nga pushteti.
“Qendra për manipulime e Nikolla Gruevskit, po mundohen të ngushëllojnë anëtarët të cilët vetëm po nervozohen dhe e humbin besimin nga VMRO-DPMNE-ja. Për gjithë krimet, kriminelët nga qeveria do të japin llogari. Theksojmë se gjitha ato që shfaqen në publik janë të pavërteta, përfshirë këtu edhe pretendimet e tyre se prokurorja speciale ndonjëherë ka qenë anëtare e LSDM-së”, thuhet në deklaratën e partisë së udhëhequr nga Zoran Zaevi.
Ndryshe këto akuza për etiketimin e personalitetit të Prokurores Speciale, Katica Janeva me ngjyrime partiake vijnë pasi që ky institucion deri tani ende nuk ka hapur asnjë lëndë kundrejt ndonjë funksionari të LSDM-së; ndërkohë që thuajse të gjithë funksionarët e VMRO-së, që nga kryetari Nikolla Gruevski e deri te anëtarët e thjeshtë partiakë, janë paraqitur për të dëshmuar lidhur me lëndë të ndryshme të veprave të kundërligjshme.
Përgatiti: Mensur Krasniqi – /tesheshi.com/
