Presidenti turk Rexhep Tajip Erdogan ka njoftuar se do ta shndërroj në një atraksion historik dhe turistik ishullin dikur famëkeq të Yassiada-s.
Ishulli Yassiada është një nga ishujt e njohur për gjykimin dhe burgosjen e politikanëve nga ana e orkestruesve të grusht shtetit të vitit 1960. Që nga viti 2013, ishullit iu është ndërruar emri, dhe sot quhet “Ishulli i Lirisë dhe Demokracisë”.
Ky është ishulli ku Adnan Menderes, kryeministri i parë turk i zgjedhur me vota, u burgos dhe gjykua së bashku me deputetët e partisë së tij nga grusht shteti ushtarak.
Ideja për ta ringjallur historinë në Yassiada erdhi në vitin 2015, kur edhe nisën projektet për ruajtjen dhe preservimin e historisë që rrëfente rrugën e demokracisë.
Në ishull ka ndërtesa por edhe burgu famëkeq i ekzekutimit të politikanëve, si dhe një monument i përkujtimit të viktimave.
Qëllimi i shndërrimit të ishullit është për arsye historike, në mënyrë që vizitorët të kenë një ide për sfidat që ka kaluar vendi.
Objekte të tjera të ishullit përfshijnë një hotel me 125 dhoma, një xhami, kade dhe restorante të ndryshme në ishullin 18 hektarësh.
Erdogan tha se ky ishull do të shndërrohet nga famëkeq në të nderuar, dhe se do të strehojë edhe studentët, me qëllim që ata të mësojnë historinë e vendit. Ishulli do të jetë i qasshëm për publikun deri në fund të këtij viti.
Ai gjithmonë do të kujtohet për gjykimin dhe dënimin me vdekje të ish-kryeministrit Adnan Menderes dhe dy ministrave të tij, Hasan Polatkan dhe Fatin Rustu Zorlu. Kjo zonë ishte e ndaluar për t’u shkelur për dekada të tëra.
Grupi i shtetit i vitit 1960 i hapi rrugën përpjekjeve të reja për sundim nga ushtria, e cila për një kohë të gjatë konsiderua si “kujdestarja e vetme e demokracisë”.
Herë pas here, ushtria përmbysi qeveritë që nuk i pëlqenin. Ai i fundit u shënua në vitin 2016. Totalisht 251 persona u vranë dhe shumë të tjerë u plagosën kur ushtarët u përpoqën të përmbysnin qeverinë e zgjedhur. /tesheshi.com/
