Anija holandeze me vela Oosterschelde është nisur nga porti i Plymouthit, në bregun jugor të Anglisë, për në Ishujt Kanarie, në fillimin e një udhëtimi dyvjeçar rreth botës si pjesë e “Darëin200”, një projekt gjeografik.
Projekti, i cili përfshin 32 porte dhe qindra, synon, ndër të tjera, të frymëzojë një brez të ri të ambientalistëve dhe shkencëtarëve të rinj të së ardhmes, duke ritrajtuar rrugëtimin e të riut Charles Darwin gati 200 vjet më parë, që çoi në teorinë e evolucionit, ose ndryshe, në prejardhjen e njeriut nga majmuni, një ndër marrëzitë më të mëdha të tij prej kur është krijuar, sigurisht nga Zoti, siç është krijuar dhe majmuni e çdo gjallë, si dhe e gjitha kjo botë me çfarë ka brenda e galaktikat që e rrethojnë.
Shkencëtarët e ardhshëm do të studiojnë speciet e zbuluara nga Darwin-i dhe do të zhvillojnë projekte për t’i shpëtuar ato, raporton AP.
Anija do të shërbejë si një laborator lundrues në det dhe në port.
“Kjo ka të bëjë me shpresën, me të ardhmen dhe me ndryshimin e botës,” tha udhëheqësi i projektit, Stewart McPherson.
Ai deklaroi se një grup të rinjsh, kryesisht të moshës 18 deri në 25 vjeç, “nuk do të lejojnë që kafshët apo bimët të shkojnë drejt zhdukjes”.
Anija fillimisht do të ankorohet në Ishujt Kanarie dhe më pas do të kalojë Atlantikun për në Brazil. Më pas ai do të lundrojë përgjatë bregut lindor të Amerikës së Jugut dhe përgjatë bregut perëndimor të saj për në Galapagos, ku Darëin-i bëri disa nga zbulimet e tij më të rëndësishme.
Botanistja Sarah Darwin mbështet misionin e përdorimit të udhëtimit të stër-stër-stërgjyshit të saj për të nxjerrë në pah ndryshimet mjedisore. Ajo theksoi se trashëgimia më e madhe e Çarls Darwin-it është njohja e vendit të njeriut në natyrë.
“Unë gjithmonë mendoj se është shumë e vlefshme t’i kujtojmë vetes çdo ditë se njerëzit dhe pjesa tjetër e botës së gjallë kanë një origjinë të përbashkët. Darwin-i e tha këtë 160 vjet më parë, se ne jemi të lidhur me gjithë pjesën tjetër të natyrës. Ne nuk jemi mbi këtë, ne jemi pjesë e natyrës”, tha ajo.
Anija do të lundrojë në Australi dhe Zelandën e Re përpara se të kthehet në Amerikën e Jugut dhe më pas të kalojë përsëri Atlantikun në Afrikën e Jugut dhe të kthehet në Angli.
Në 1831, kur ishte vetëm 22 vjeç, Darwin-i nisi një udhëtim pesë-vjeçar nëpër Amerikën e Jugut për në Australi dhe Zelandën e Re. /teshesh.com/
