Presidenti francez Emmanuel Macron ka urdhëruar shpërbërjen e një organizate shumë të njohur të drejtuar nga një reper, për gjoja urrejtje dhe mbështetje për terrorizmin.
Ministria e Brendshme franceze njoftoi se Killuminateam – “Ushtarët në rrugën e Allahut”, ka përhapur mesazhet e saj, gjoja ndihmojnë të gjithë ata që kanë nevojë.
Aktiviteti i tyre kryesor ishte të organizonin veprime publike gjatë të cilave ata “bëjnë thirrje për urrejtje dhe dhunë”, raporton AP.
Pretendohet se oprganizata përdori internetin për të shpërndarë video me një natyrë konspirative dhe përmbajtje promovuese të terrorizmit.
Me Dekretin Presidencial të Macronit, kjo organizatë pushoi së ekzistuari.
Selia e organizatës, e cila kishte vetëm 15 anëtarë, ishte në rajonin Val d’Oise, në veri të Parisit, dhe shpërndarja e saj pasqyron qëllimin e autoriteteve franceze për të kundërshtuar me vendosmëri atë që Macron e quan “separatizëm islamik”, sipas një deklarate të Ministrisë së Brendshme .
Presidenti francez njoftoi javën e kaluar se është plotësisht i përkushtuar të kundërshtojë “ekstremistët islamikë”, kryesisht duke prezantuar trajnime për imamët, por edhe duke forcuar praninë e policisë në lagje me probleme.
Reperi, i cili drejton organizatën, u dënua me gjashtë muaj provë nëntorin e kaluar për mbështetjen e terrorizmit në një këngë “Terrorist”, të cilën ai e ngarkoi në YouTube, duke ngjallur kujtimin e trazirave dhe sulmeve në Paris në 2015, kur u vranë 130 persona.
Aty shfaqet një grua, e cila thotë se burri i saj ishte në paraburgim që nga 5 janari me akuza false.
Gruaja kritikoi si qeverinë ashtu edhe policinë, duke thënë se burri i saj “kurrë nuk kërkoi xhihad të armatosur”, por, në emër të Islamit iu përkushtua ndihmës për të rinjtë. /tesheshi.com/
