Hapja dhe mbyllja e çadrave të diellit në plazh pa asnjë mundim por nëpërmjet energjisë diellore është projekti i iniciuar nga një plazh në Jesolo të Venecias në Itali. Nëpërmjet këtij projekti pritet që turistëve t’iu lejohet të hapin çadrat nëpërmjet një aplikacioni që mund të shkarkojnë në smartfonin e vet apo në iPhone.
Bëhet fjalë për një iniciativë unike në Itali, e cila do të inagurohet verën e ardhshme, me qëllim promovimin e përdorimit të energjisë së rinovueshme.
Mekanizmi i zhvilluar në “Stabilimento Balneare Manzoni di Jesolo”, mund të funksionojë përmes një telekomande apo nga vetë klientët, përmes aplikacionit të posaçëm. Testi i inagurimit është parashikuar për më 4 qershor. /tesheshi.com/
