Projekti i ri i ministrisë së Financave për tatimin mbi të ardhurat parashikon edhe tatimin e pagave të ulëta që deri më tani kanë qenë të përjashtuara.
Ministria e Financave shpërndau draftin për konsultime me grupet e interesit duke nënvizuar se ai është hartuar në bashkëpunim me FMN-në.
Drafti ndryshon normën e taksave që paguhet mbi të ardhurat e duke futur në taksim edhe pagat e ulëta. Për nivelin e të ardhurave nga 0 në 180 mijë lekë në vit, tatimi do të jetë 5 për qind, nga zero që është aktualisht.
E shprehur si e ardhur mujore, kjo do të thotë se 15 mijë lekëshi i parë i pagës do të taksohet me 5 për qind. Mbi këtë nivel deri në 180 mijë lekë deri në 1 milionë e 560 mijë lekë, taksa bëhet 13 për qind.
Zyrtarët e Financave thonë se dokumenti është në një fazë të hershme dhe normat tatimore të vendosura aty janë thjesht për ilustrim e nuk ka ende një vendim për tatimin e të ardhurave. /tesheshi.com/
