Një ish-manastir në Itali po shihet si një shkollë e ardhshme për kultivimin e së djathtës – një ide e mbështetur nga ish-këshilltari i Donald Trump, Steve Bannon.
Bëhet fjalë për manastirin 800-vjeçar në Collepardo, i cili tashmë ka mbetur pa funksion pas daljes në pension të murgjve të fundit.
Dhe Benjamin Harnwell nga Instituti Humanae Dignitas, dëshiron ta kthejë atë në një qendër rekrutimi për krahun e djathtë.
“Projekti i parë është ai kardinalit Martino, cili kërkon që aty të promovojë doktrinën katolike fetare me një theks mbi vlerat e familjes të tilla si ndalimi i abortit. I dyti është një projekt i promovimit të bazës judeo-krishterë të qytetërimit perëndimor”, shpjegoi Harnwell.
Dhe pas kësaj të dytës qëndron pikërisht është Steve Bannon, ish-njeriu kryesor afër Donald Trump që e frymëzonte atë me politika nacionaliste, për të mbërritur te kredoja me efekte problematike në politikën ndërkombëtare – “Amerika e Para”. Dhe qëllimi i Steve Bannon është është që të përhapë idetë e tij në Evropë dhe më gjerë.
Ky njeri që prej kohësh është instaluar në kontinent, po shndërrohet në “minë me sahat” për Europën, duke nxitur nacionalizmin dhe populizmin.
“Ata mund të kthehen më pas në shtëpitë e tyre me atë që mësojnë këtu, për të luftuar për një Perëndim judeo-krishter”, tha Harnwell, referuar projektit të një shkolle ku promovohen idetë e djathta.
Baza për këtë projekt është fjalimi i Steve Bannon para Institutit Humanae Dignitas me 2014 në Vatikan, ku, duke prezantuar idenë e tij, kumtoi:
“Ne jemi në një luftë të hapur me fashizmin xhihadist”.
Bannon shpreson të krijojë një gjeneratë të re të politikanëve nacionalistë dhe populistë, me të tjerë Donald Trump ose Victor Orban.
Në qytetin ku gjendet manastiri, ka një ndjenjë të shqetësimit për shkak të këtyre planeve.
“Ne nuk mund ta lejojmë atë të vijë këtu dhe të themelojë një akademi që do të sulmojë Bashkimin Evropian”, tha Daniela Bianchi i Këshillit Rajonal të Lazio-s.
Ky projekt mund të jetë një paralajmërim për të ardhmen e Bashkimit Evropian.
Qyteti italian ku gjendet manastiri mund të jetë një vijë e re fronti për rekrutimin dhe krijimin e një elite të re. /tesheshi.com/
