Presidenti turk Recep Tayyip Erdogan, të shtunën ua dorëzoi çelësat pronarëve të shtëpive të rinovuara që u shkatërruan nga tërmetet shkatërruese dhe u rindërtuan në vetëm 60 ditë, transmeton Anadolia.
Së bashku me Devlet Bacelin, presidentin e koalicionit të Partisë Lëvizja Kombëtare (MHP), Erodgan qëndroi në qytetin turk të Gaziantep, ku u dorëzuan çelësat e banesave të rinovuara në fshatrat e prekura nga tërmeti.
“Ne do të vazhdojmë të punojmë pa lejuar askënd të na ndalojë derisa të bëjmë të gjitha vendbanimet e vendit tonë të qëndrueshëm ndaj fatkeqësive,” tha Erdogan.
Ai kujtoi se sot janë bërë saktësisht 75 ditë nga tërmetet shkatërruese dhe se kanë vizituar të gjitha zonat e prekura nga tërmeti.
Ai tha se për 45 ditë kanë përfunduar tashmë 10 shtëpi rurale, çelësat e të cilave iu dorëzuan pronarëve 60 ditë pas vendosjes së gurthemelit.
“Dua që këto shtëpi të fshatit, të cilat janë vepra vërtet të bukura me arkitekturën, ndërtimin dhe të gjitha karakteristikat e tyre, të jenë të dobishme për banorët e tye”, nënvizoi Erdogan.
Ai shtoi se procesi i ndërtimit të më shumë se 105,000 njësive të banimit në zonat e prekura nga tërmeti është duke u zhvilluar.
Bir yandan temelleri atıyor bir yandan anahtarları teslim ediyoruz.
İnşallah önümüzdeki yıl bu vakitlerde tüm şehirlerimiz eski canlılığına, eski dinamizmine kavuşmuş olacak. pic.twitter.com/Xnsui04PY0
— Recep Tayyip Erdoğan (@RTErdogan) April 22, 2023
“Deri më tani, ne kemi filluar procesin e ndërtimit të më shumë se 105,000 njësive të banimit (në zonën e prekur). Ne kemi hedhur themelet për pothuajse gjysmën e saj”, tha presidenti turk.
Erdogan foli edhe për planet për të ardhmen në kuadër të mbrojtjes nga tërmeti dhe kur bëhet fjalë për Stambollin.
“Kohët e fundit, ne ndamë me kombin tonë lajmin e mirë për fushatën e re të transformimit urban në Stamboll. Vëllezërve dhe motrave tona nga Stambolli, të cilët jetojnë në ndërtesa të rrezikshme, u paraqitëm një ofertë në të cilën ne si shtet do të mbulojmë gjysmën e kostos dhe gjysmën tjetër është një kredi shumë e favorshme, me kusht. Qëllimi ynë nuk është të lëmë një ndërtesë të vetme të rrezikshme në Stamboll në pesë vjet duke transformuar rreth 300,000 njësi banimi në vit me një studim që do të kryhet”, tha Erdogan. /tesheshi.com/
