Prishtinës pritet t’i shtohen dy bulevarde pas rikonstruksionit të të rrugës “Garibaldi” që sapo ka nisur dhe asaj “Perandori Justinian”. Projektet kapin një vlerë respektivisht 238 mijë euro dhe 212 mijë euro.
Punimet për rrugën e parë “Garibaldi” kanë nisur ndërsa brenda 3 ditësh pritet të nisin punimet edhe për rrugën “Perandori Justinian”. Sipas zyrtarëve të komunës së Prishtinës, me përfundimin e këtyre projekteve të infrastrukturës, Prishtina do të bëhet me dy bulevarde modern.
“Këto projekte do të përfundojnë brenda 90 ditësh pune. Rruga ‘Perandori Garibaldi’, do të rikonstruktohet prej hotel ‘Grand’ deri te Gjykata Kushtetuese, me ç’rast do të rregullohen trotuaret, të gjitha shkallët do të jenë të njëjta, e gjithashtu, do të shtrohet një shtresë e re e asfaltit në gjithë rrugën.
Gjithashtu do të bëhen të gjitha kushtet për persona me nevoja të veçanta dhe do të krijohen kushte për të verbër. Gjithashtu, do të ketë edhe pjesë të gjelbëruara”, ka thënë drejtori i Infrastrukturës në komunën e Prishtinës, Hysen Durmishi. /tesheshi.com/
