Deputeti socialist Erion Braçe propozoi një amendament për zero tatim-fitim për librat.
Ai e argumentoi këtë si një masë që do çojë në nxitjen e hapjes së librarive dhe afrimit të individit shqiptar më librin. Braçe tha se në qytetet e tjera veç Tiranës, libraritë pothuajse ishin të papërfillshme, ndërsa në fshat as që bëhej fjalë për to.
Edhe në Tiranë, tha ai, librari gjen vetëm brenda Unazës.
“Jashtë Unazës, gjen klubet, kafene, resorante, lojra fati, por në bote se gjen një librari”, theksoi deputeti socialist.
Por ministri i Financave Arben Ahmetaj, me të cilin është fërkuar gjithë këto kohë të paraqitjes së Projektbuxhetit 2019, tha se kjo është mundësuar nga taksa zero për biznesin e vogël.
Amendamenti i Braçes u rrëzua me votë, ndërkohë që kreu i Kuvendit Gramoz Ruçi u tregua tejet strikt ndaj një kërkese të kolegut socialist për replikë, duke mos e lejuar në emër të Rregullores. /tesheshi.com/
