Ish-presidenti i SHBA-së, Donald Trump premtoi të shtunën në konventën republikane hebreje se, nëse rizgjedhej, do të rivendoste ndalimin e hyrjes së qytetarëve të vendeve me shumicë myslimane në Shtetet e Bashkuara.
“Ne do t’i mbajmë terroristët e islamit radikal jashtë vendit tonë,” u tha Trump të pranishmëve në samitin vjetor të Koalicionit Republikan Hebre.
“Ju e mbani mend atë ndalim, unë do ta kthej atë në ditën e parë”, tha Trump.
Në fillim të mandatit të tij në 2017, Trump vendosi kufizime për hyrjen në SHBA të shtetasve të Iranit, Libisë, Somalisë, Sirisë, Jemenit, Irakut dhe Sudanit.
Ndalimi u kundërshtua shpejt në gjykatë si diskriminues ndaj grupeve fetare, por së bashku me axhendën e linjës së ashpër kundër emigracionit të Trump, ai ishte i popullarizuar me bazën e tij elektorale.
Mbështetje për Izraelin
Presidenti Joe Biden e hoqi atë ndalim në javën e tij të parë në Shtëpinë e Bardhë në 2021.
Ish-banori i Shtëpisë së Bardhë ishte një nga disa republikanë të shquar që u shfaqën në një tubim të donatorëve hebrenj me ndikim për të shprehur mbështetjen e palëkundur për Izraelin në luftën e tij kundër Hamasit.
Në një tubim në Las Vegas, Nevada, Trump tha se ai do të “mbronte mikun dhe aleatin tonë në Shtetin e Izraelit si askush më parë”.
Konflikti midis Izraelit dhe Hamasit është “një luftë midis qytetërimit dhe egërsisë, qytetërimit dhe shthurjes dhe midis së mirës dhe së keqes”, tha Trump.
Në tubim, Trump sulmoi administratën Biden, por u përmbajt nga kritikat ndaj rivalëve të tij.
Mbështetja për Izraelin ka një rëndësi të madhe për të dyja palët në SHBA dhe një nga çështjet e pakta të politikës së jashtme amerikane që luan një rol në sondazhe, ndër të tjera, për shkak të numrit të madh të votuesve me origjinë hebraike dhe rëndësisë së Ungjillit. Të krishterët për të cilët ekzistenca e një “shteti hebre” është një parakusht për “ardhjen e dytë” të Jezu Krishtit. /tesheshi.com/
