Brenda partisë së kancelares gjermane Angela Merkel duket se ka si zëra kundër, edhe pro progresit të Shqipërisë në Bashkimin Europian.
Deputeti i CDU-së dhe anëtari i Komitetit për të Drejtat e Njeriut në Bundestag, Martin Patzelt, sqaron për gjermanen “Focus” arsyet, pse mendon ndryshe nga kolegu i tij Krichbaum, kur bëhet fjalë për progresin e Shqipërisë
Ai vlerëson kryeministrin Rama dhe rolin që ai ka patur në zhvillimet e fundit në Shqipëri. “Para takimit me kryeministrin shqiptar, Edi Rama në Berlin, Angela Merkel premtoi që do të mbështeste zgjerimin e BE-së. Shqipëria nga ana tjetër ka bërë ndryshime rrënjësore vitet e fundit dhe ka hedhur hapa mjaft të rëndësishme në rrugën drejt integrimit në BE. Këtë e theksoi edhe vetë Merkeli”, shkruan Patzelt.
Pak javë më parë kolegu i tij, Gunther Krichbaum erdhi në Tiranë dhe vuri 7 kushte për Shqipërinë, por kur vetë kryeministri takoi kancelaren kusht i vetëm rezultoi të ishte zbatimi i ligjit të Vettingut./tesheshi.com/
