Pandeli Majko, ministër Shteti për Diasporën në kabinetin “Rama2” kërkoi mbështetjen edhe të opozitës për të bërë realitet programin në lidhje me shqiptarët që jetojnë dhe punojnë jashtë kufijve.
Ai ka folur për votimin e emigranteve, ngritjen e një nënkomisioni parlamentar apo dhe investimet e emigrantëve në atdhe.
“Te ngrihet një nënkomision parlamentar për diasporën. E drejta e votës është një kërkesë që vjen nga qendrat më të organizuara të emigracionit shqiptar. Në programin e qeverisë është parashikuar një fond që të kthyerit të mos ndihen të huaj në vendin e tyre. Por pa konsensusin tuaj i gjithë ky projekt do të mbetet në kuadër plani”, u shprej Majko, duke i shtrirë dorën e bashkëpunimit deputetëve të opozitës./tesheshi.com/
