Sekretari amerikan i Shtetit John Kerry, ka deklaruar së fundi se opsioni ushtarak është ende në fuqi në rast të dështimit të negociatave me Iranin mbi programin e tij bërthamor. Kjo deklaratë erdhi pesë javë përpara nënshkrimit të një marrëveshjeje me Teheranin. Gjatë një seance dëgjimore përpara kongresit, Kerry tha se kryeministri izraelit Benjamin Netanyahu ishte i gabuar në kundërshtimin që i bëri Marrëveshjes së Përkohshme të nënshkruar me Iranin në 2013. Ai theksoi se Teherani nuk do të ketë të drejtë të posedojë bombë atomike, sepse ajo është një nënshkruese e marrëveshjes kundra përhapjes së armëve bërthamore, pra është një anëtar, due vënë dukje se Irani ka nënshkruar traktatin e korrikut të 1968. Kerry paralajmëroi të martën se Irani po i afrohet momentit të së vërtetës, ku duhet të provojë përpara botës se nuk është duke tentuar të blejë një bombë atomike, duke iu referuar përfundimit të afatit të muajit të ardhshëm dhe negociatave që do të zhvillohen me Teherani dhe me gjashtë fuqitë e mëdha mbi programin e tij bërthamor.
Heqja e sanksioneve
Në ndërkohë, presidenti iranian Hassan Rohani tha se çdo marrëveshje përfundimtare me fuqitë e mëdha, duhet të përfshijë një heqje të plotë të të gjitha formave të sanksioneve. Përmes një komunikate publike nga qyteti Qom, i cili ndodhet në jug të kryeqytetit, Rohani tha se Irani hedh poshtë me forcë çdo diktat, presion apo fyerje gjatë procesit të negociatave. Negociatorët do të takohen përsëri në fillim të javës së ardhshme në Zvicër. Gjasat janë që në këto bisedime do të marrin pjesë Kerry dhe homologu i tij iranian, Mohammad Javad Zarif.
Nga Al Jazeera
