“Flamuri më i bukur në botë…”, pat thënë ish-futbollisti i kombëtares Andi Lila pak vite më parë teksa komentonte në një studio televizive incidentin në Beograd, referuar flamurit kombëtar. Një delirizëm të tilla patriotik shfaqi dhe kreu i opozitës Basha gjatë një prezantimit të programit për turizmin.
Sipas tij, Shqipëria është vendi më i bukur në botë.
“Të dashur miq, sot ju prezantoj me krenari planin tonë për turizmin! Ne jemi të bekuar me vendin më të bukur në botë. Kemi plazhe të mrekullueshme. Kemi peisazhe madhështore, që nuk gjenden askund tjetër. Kemi kaq shumë për t’i ofruar botës, por që i japim kaq pak. Nëse ne arrijmë potencialin tonë të vërtetë, do mund të bëjmë shumë gjëra të mëdha së bashku. Turizmi është një nga bazat e ekonomisë tonë. Si shumë fusha të tjera, edhe ai është lënë pas dore”, tha Basha.
“Unë angazhohem se ne do ta trajtojmë turizmin si një projekt madhor kombëtar. Çdo projekt i lidhur me turizmin, çdo investim i lidhur me të, do të marrë përparësi nga qeverisja jonë. Kjo është rruga për ta vendosur Shqipërinë të parën.
Unë angazhohem të rrisim kontributin e drejtpërdrejtë nga turizmi në ekonominë tonë nga 8 në 10% Angazhohem të dyfishojmë kontributin në punësim nga rritja e turizmit në ekonomi 40.000 në 80.000 vende pune. Kjo do ta ndryshojë ekonominë tonë. Do t’u japë njerëzve punë dinjitoze dhe shpresë”, theksoi kryeopozitari në shpalosjen e programit. /tesheshi.com/
