Qeveria austriake po përgatitet të fillojë një program të diskutueshëm për të monitoruar muslimanët në vend me qëllim luftimin e të ashtuquajturit “Islam politik”, raporton Anadolu Agency.
Eshtë një iniciativë e paralajmëruar nga qeveria e mëparshme austriake në janar të këtij viti, ndërkohë organizata të shumta joqeveritare dënuan një qëndrim të tillë anti-islam të politikës së atëhershme radikale të krahut të djathtë.
Partia qeverisëse austriake në pushtet (OVP) ka njoftuar se do të ngrihet një qendër dokumentacioni për të mbledhur të dhëna në luftën kundër antisemitizmit, racizmit, radikalizmit të motivuar fetarisht dhe për të monitoruar aktivitetet e elementeve të të ashtuquajturit “Islam politik”.
Duke përmendur kërkimet shkencore të pretenduara
Një njoftim i tillë provokoi reagime të ashpra nga përfaqësuesit e akademisë, grupeve të të drejtave të njeriut, por edhe përfaqësuesve të Partisë së Gjelbër, partner i koalicionit në qeverinë austriake.Vjena zyrtare dëshiron të monitorojë punën e të gjitha shoqatave muslimane, xhamive dhe aktiviteteve kulturore, me cilat institucione ajo dëshiron të bashkëpunojë.
Qendra e parë dhe e vetme e dokumentacionit në Austri është themeluar në vitin 1963 si pjesë e luftës kundër nazizmit dhe për nevojat e hetimit të formacioneve neo-naziste. Plani i saposhpallur u atakua me kritika të shumta sepse në atë kontekst ai e vendos nazizmin dhe Islamin në të njëjtin nivel.
Mendimtari politik i Universitetit Georgetown Farid Hafez i tha AA se kryeministri austriak Sebastian Kurz është i njohur për citimin e kërkimeve shkencore të supozuara për të arritur qëllimet e tij politike.
Duke paralajmëruar se qeveria kishte shmangur me dashje sqarimin e mjaftueshëm të konceptit të saj të “Islamit politik” për ta bërë atë një mjet më të dobishëm në luftën kundër muslimanëve, Hafez tha se mbylljet e mëparshme të xhamive dhe ndalimet e shamive ishin gjithashtu të lidhura me Islamin politik.
“Sipas asaj logjike, çdo institucion, person ose veprimtari fetare do të jetë në gjendje të lidhet lehtësisht me Islamin politik dhe të përballet me kufizime dhe ndalesa të ndryshme,” tha Hafez.
Ai theksoi se një nga ekspertët kryesorë për hapjen e qendrës së dokumentacionit, Lorenzo Vidino, përcaktoi grupe jo të dhunshme që veprojnë si pjesë e ligjit për islamistët politikë, por në një mënyrë që është e dëmshme për shoqërinë.
Vendos muslimanët në një situatë vartësie
Hafez më tej pretendon se kryeministri Kurz dhe ekipi i tij e konsiderojnë faktin se muslimanët mund të kenë ndonjë institucion të pavarur ose vetëqeverisës ose organizatë të rrezikshme, duke shtuar se qeveria austriake dëshiron t’i vendos muslimanët në një situatë plotësisht të nënshtruar dhe të kontrolluar.
Udhëheqësi i partisë së Austrisë Sociale të Ardhmërisë (SOZ), Hakan Gordu, tha që qendra e dokumentacionit do të sulmonte vlerat islame dhe do të drejtohej nga ekspertë të njëanshëm.
“Një plan i tillë u krijua me qëllim të përgatitjes së terrenit për realizimin e qëllimeve politike të kryeministrit Kurz”, ha Gordu dhe shtoi se qeveria me lehtësi do të jetë në gjendje të akuzojë cilindo për të ashtuquajturin Islam politik.
Ai gjithashtu tha se ishte një përpjekje e rrezikshme për të heshtur individët e interesuar për t’u përfshirë në politikë dhe mbrojtjen e të drejtave dhe lirive të komunitetit mysliman. /tesheshi.com/
