Kreu i Vetëvendosjes, njëherësh kryeministër në pritje Albin, Kurti përfundoi prezantimin e programit qeverisës të Kosovës duke njoftuar futjen e rekrutimit të detyrueshëm ushtarak për tre muaj, ngritjen e akuzave penale kundër Serbisë për genocid dhe krijimin e një instituti të krimeve të luftës dhe gjenocidit.
Në prani të 120 deputetëve, Kurti theksoi se politika e jashtme e Kosovës “do të qeveriset nga marrëdhëniet dypalëshe” dhe se diaspora do të ketë trajtim të veçantë “sepse financoi luftën çlirimtare”.
Ai njoftoi se “marrëdhëniet me Serbinë do të mbahen në një bazë të barabartë, dhe dialogu do të përfshijë çështje të personave të zhdukur dhe dëmshpërblimin”, si dhe njofton ngritjen e një procesi gjyqësor kundër Beogradit për krimet në Kosovë.
“Ne do të prezantojmë dialog të plotë politik dhe ekonomik me Serbinë, në bazë të reciprocitetit”, deklaroi Kurti.
Kurti tha se qeveria e tij do të ishte ajo që do të ndëshkonte të gjithë kriminelët e luftës dhe se kjo detyrë do të kryhej nga prokuroria me ndihmën e institucioneve.
Ai njoftoi se kabineti i tij do të prezantojë shërbimin e detyrueshëm ushtarak që do të zgjasë për tre muaj.
“Ne do ta mbajmë premtimin dhe do të jemi një qeveri shtrënguese. Kabineti do të numërojë 15 në vend të 23 ministrave. Qëllimi ynë është që të ulim koston e administrimit dhe të rrisim fondet e alokuara për zbatimin e projekteve publike”, tha Kurti.
Ai theksoi se kabineti i tij do të përmbushte premtimin se drejtësia do të ishte në dispozicion për të gjithë.
“Ne do të zhdukim korrupsionin në qeveri dhe institucione dhe do të luftojmë për zhdukjen e tij nga shoqëria”, tha Kurti, duke njoftuar se do të ngrihet edhe një fond i veçantë në fushën e politikës sociale për të mbështetur familjet me më pak se 5,000 euro të ardhura në vit.
Kurti njoftoi ndërtimin e autostradës Prizren-Tetovë, si dhe rindërtimin e të gjithë hekurudhave në Kosovë.
Ai përsëriti premtimin e tij parazgjedhor për krijimin e një tregu të përbashkët energjitik, domethënë një rrjet të përbashkët shpërndarës të Kosovës dhe Shqipërisë. /tesheshi.com/
