Ç’prej tre dy ditësh, opozita e ka sulmuar ashpër numrin dy të qeverisë gjermane i cili foli qartë dhe prerë duke kritikuar aksionin e PD-së nëpërmjet çadrës, gjatë vizitës së tij në Tiranë.
Mund të mos ishin dakord me ato qëndrime dhe mund t’i përcillnin me të njëjtën qetësi siç numri i përcolli nr.2 i qeverisë gjermane. Kështu bëri dhe LSI, që siç duket u prek ngaqë Sigmar Gabriel nuk takoi kryetarin e tyre Ilir Meta, ngjashëm me të njëjtën gjë që bëri Angela Merkel tre vjet më parë.
Luan Rama e cilësoi të njëanshëm ministrin e Jashtëm gjerman që është edhe aleat politik i partisë së tij, pasi është socialdemokrat.
Kurse disa eksponentë të PD-së kaluan të gjitha caqet etike.
Dikush e quajti Gabrielin një bir nazisti; Aldo Bumçi tha se kot që rri në detyrë; Alfred Lela e cilësoi miop; të tjerë thanë se është i painformuar. Si? Njeriu që drejton diplomacinë e vendit më të fuqishëm të Europës vuan mosdijen mbi realitete shqiptare?
A e dinë ata se kush është Sigmar Gabriel që po na rezulton sipas opozitës kaq i mangët në detyrë?
Ka qenë kryetar i Partisë Socialdemokrate gjermane në kohën më të gjatë pas Wili Brandt.
Dhe në këtë rast duhet kujtuar se PSD-ja gjermane është partia politike më e vjetër në Gjermani dhe ndër më të vjetrat në botë; një monument demokracie që nuk e ka bojkotuar kurrë Parlamentin dhe institucionet bazike të demokracisë, edhe në kohërat më të tmerrshme.
Sigmar Gabriel është një politikan me një histori personale plot vuajtje; por edhe tolerancë, solidaritet e mbi të gjitha model i një politikani që ka dhënë gjithnjë mesazhin e bashkëjetesës dhe paqes.
Dikush që nuk di as të lexojë dhe e quajti babain e Gabriel një nazist, duhet ta dijë që ministri i Jashtëm gjerman ka rrëfyer në një media prestigjoze të vendit të tij historinë e dhimbshme të familjes nga vjen, e dëbuar nga vendbanimet gjermane të Balltikut që u pushtuan nga Bashkimi Sovjetik.
Familja e tij jetonte në një qytet jashtë kufirit gjerman dhe logjikisht që si shumë të tjerë edhe i ati u josh nga diskursi nacionalist i Hitlerit. Por vetëm kaq. Gabriel ka rrëfyer dhimbjen që si fëmijë ka përjetuar divorcin e prindërve dhe dhunën e të atit herë pas here. Po flasim në vitet ‘40 kur burrat shqiptare i shkepnin gratë në dru 3 herë në ditë.
Sigmar Gabriel ka qenë kancelar i Landit të Saksonisë së Ulët, katër herë ministër në disa qeveri dhe lider i opozitës gjermane.
Më pas drejtoi negociatat për Grosse Koalition me Angela Merkel ku ka qeverisur për dy mandate.
Është një politikan që ka dhënë shembuj të mëdhenj në Gjermani nga jeta personale dhe politike.
Ka bashkëjetuar me një grua hebreje, gjyshërit e së cilës ishin të mbijetuar nga Aushvici, me të cilën ka një vajzë; ndërsa është martuar me një grua emigrante turke.
Është një intelektual i vlerësuar maksimalisht që nga universitetet që ka kryer por edhe në jetën e tij si zyrtar dhe politikan.
Është në politikë që nga viti 1977, kur nuk ishin lindir ata që flasin kundër tij. E në të gjithë karrierën është njohur pikërisht për shërbimin e tij me integritet dhe pa lajle lule por vetëm me drejtësi. Është votuar për të gjitha nivelet e politikës dhe karriera i ka ardhur në ngjitje derisa sot është në postin e Ministrit të Jashtëm që padyshim i jep atij fundin e politikës aktive siç e kanë bërë paraardhësit e tij shumë të njohur si Fisher, Gensher, etj. /tesheshi.com/
