I qeshur edhe rinor, pak e dinin se i ndjeri Fabrizio Frizzi ishte 60 vjeç.
Fytyra e tij ishte “salduar” në ekranin italian me një rini të përjetshëm që për spektatorin shpërndante energji pozitive.
RAI do t’i bëjë një ceremoni mortore zyrtare për t’i dhënë respektin një prej ikonave bazë të ekranit publik italian.
Në të gjithë profilet që media italiane i ka bërë në obituaret e saj, thekson se Frizzi ishte një nga njerëzit më të edukuar të televizionit, i sjellshëm me të gjithë dhe modeli i një kohe kur po sjell në ekran përgjithësisht personazhin e egër, agresiv dhe ku skrupujt dhe edukata kanë humbur në kthinat e kohës së vjetër.
Në tetor, kur e goditi ishemia ai luftoi fort me sëmundjen pasi e donte jetën, por në fund normalisht asgjë nuk ishte në dorën e tij.
Frizzi është martuar dy herë dhe ka një djalë e një vajzë: djalin nga martesa e parë me Rita Dalla Chiesa dhe vajzën me martesën me Carlota Mantovan.
Kur e pyetën për mënyrën e sotme agresive të televizionit, Frizzi deklaroi se “jam i shkollës që kur duhet të hysh në shtëpi duhet të ecësh me majë të gishtave për të mos bërë zhurmë”
Këtë metodë ai e ndoqi dhe arriti të kapë admirimin e audiencës të qetë, atë që është më e vështirë ta arrish.
Frizzi e nisi televizionin me panatallona të shkurtëra, që në emisionet për fëmijë, tek spektaklet e mesditës, për të përfunduar në grupin e “zjarrit”, atë të Prime Time ku zhvillohet edhe lufta më e fortë e audiencës.
Il barattolo ishte emisioni i parë i tij për të vazhduar me Scometiamo Che, Europa Europa, Luna Park, e deri tek ajo që e bëri unik: prezantimet e spektakleve të Miss Italia në çdo vit.
Së fundi drejtoi Tale Quale Show ku morën pjesë yjet e muzikës italiane me transformime dhe performance të shumëllojshme.
Në vitin 2015, presidenti i atëhershëm i Italisë, Giorgio Napoletano i akordoi titullin e lartë “Commendatore”.
Por Frizzi nuk e përhapi fare në publik duke i kërkuar kreut të shtetit që ceremoninë ta bëjë private.
“Nuk i thashë njeriu, se më pëlqen ta ruaja për vete atë nderim të lartë pa pasur nevojë të përfitoj”, do të thoshte për mediat kur e zbuluan titullin dhe e pyetën,
Carlo Conti, prezentatori kryesor i RAI, i trishtuar nga humbja e mikut të tij tha se “Fabrizio Frizzi ishte vëllai që miliona italianë dëshëronin të kishin”. /tesheshi.com/
