Parlamenti shqiptar shkoi me 99 deputetë këtë të mërkurë pas marrjes së mandatit dhe nga tre emra të tjera në lista. Ata janëArben Elezi dhe Adriatik Alimadhi nga PD dhe Ambra Borava nga LSI. Kjo treshe morri mandatet nga KQZ dhe të enjten bëjnë betimin në seancë.
Tashmë është shndërruar në rit që në çdo seancë parlamentare, teksa jashtë ka protestë, brenda ndodh të bëjnë betimin deputetë të rinj, të ardhur aty pas djegies së mandateve nga ata para tyre në listat përkatëse partiake. Për këtë arsye, çdokush prej tyre që merr mandatin, automatikisht merr dhe xanxën “tradhëtar”, pasi sipas krerëve të opozitës devijon nga verdikti politik.
Pak ditë më parë, Muslim Murrizi, një prej “deleve të zeza” të PD-së që nuk pranoi të digjte mandatin, e që për pasojë edhe është përjashtuar nga radhët e demokratëve, shprehu bindjen se shumë shpejt parlamenti do ketë 140 deputetë, pra aq sa vende janë. /tesheshi.com/
