Profesori i Sociologjisë Fadil Maloku në profilin e tij në Facbook, kritikon qasjen e medieve, mënyrën se si ato transmetojnë lajmin dhe thotë që disa në grupe mediatike mercenarë që zhvatin para të majme për ta hutuar, mashtruar dhe padyshim dezinformuar publikun e gjerë.
“Selektimi i qëllimshëm i informacioneve, nxjerrja e tyre nga konteksti bazë (ai i informimit), imponimi i një të “vërtete” të vetme, si edhe imperativi i hutisë publike që s’e ka objektiv sublim; informatën e saktë dhe të shpejt, por konfuzionin apo edhe “pushtimin” ad hoc të hapësirave konkurruese mediatike, (që natyrisht shkojnë pa kriteret elementare të gazetarisë; edhe për shkak të vrapit histerik për të qenë IN dhe prijatare!!!) disa portale tona i ka shndërruar djallëzisht jo në informatorë publike por, në grupe mediatike mercenare që zhvatin para të majme për ta hutuar, mashtruar dhe padyshim dezinformuar publikun e gjerë”, thekson prof. Maloku.
Ai më tej shton se duke qenë në shërbim të tillë djallëzor, ato tani për tani mund të kenë “pushtuar” përkohësisht hapësirën globale e lokale mediatike, por me konsolidimin e ligjit dhe sistemit adekuat mediatik ato do avullohen…
Kujtim të vetëm, ky tip portalesh do ta ketë indiferencën tonë qytetare dhe joprofesionalizmin e vetë në qasjen e të vërtetës mediatike, shkruan prof. Maloku në profilin e tij në Facbook./tesheshi.com/
