Prodhuesit e vezëve të Kosovës, kanë protuestuar sot para Agjencionit të Veterinës dhe Ushqimit, në Prishtinë kundër importit të vezëve nga Shqipëria me çmim ku sipas tyre nuk e mbulon koston e prodhimit.
Kryetari i Shoqatës së Shpezëtarëve, Sabit Rama ka thënë se në këtë protestë përfaqësohen 164 fermerë. Sipas tij, nga Shqipëria importohen vezët me çmim prej 11 eurosh një pako, e cila përmban 360 vezë, kurse e njëjta në tregun e Shqipërisë shitet me 27 euro.
Ai shpjegon se ky çmim në Kosovë vjen për shkak se nga Shqipëria sillet teprica e vezëve, kurse fermerëve nga Kosova u shkaktohen çdo ditë humbje në vlerë prej 16-17-mijë euro.
Sipas tyre vazhdimi i importimit të vezëve nga Shqipëria dhe shitja e tyre me çmim të ulët në Kosovë po i dëmton bizneset e tyre.
Protestuesit u ankuan se me këto mallra po shkatërrohet ekonomia e Kosovës ndërsa institucionet e Kosovës po thirren në marrëveshjen e CEFT-as me vezë industriale.
Ditë më parë shpezëtarët kanë protestuar para AVUK-ut me të njëjtat kërkesa./tesheshi.com/
