Prodhuesi më i madh në botë i naftës në vitin 2023 janë Shtetet e Bashkuara të Amerikës, të ndjekura nga Arabia Saudite, Rusia, Kanadaja dhe Iraku.
Shtetet e Bashkuara prodhojnë tani më shumë se 13 milionë fuçi naftë bruto në ditë, më shumë se çdo vend tjetër në histori, dhe analistët presin rritje të mëtejshme të prodhimit në të ardhmen, raporton oilprice.com.
Arabia Saudite, lideri i karteleve të naftës OPEC dhe OPEC +, zuri vendin e dytë.
Në gjysmën e parë të vitit, Riadi prodhoi rreth 10.2 milionë fuçi naftë në ditë, por që nga korriku ka ulur vullnetarisht prodhimin me një milion fuçi në ditë me synimin për të stabilizuar çmimet në treg.
Rusia nuk i publikon të dhënat e prodhimit
Rusia, partneri kryesor i Arabisë Saudite në kartelin OPEC+, nuk ka publikuar të dhëna për prodhimin dhe eksportet e saj të naftës që nga viti i kaluar, por prodhimi i saj besohet të jetë rreth nëntë milionë fuçi naftë në ditë.
Kanadaja prodhoi një rekord prej 4.86 milionë fuçi në ditë vitin e kaluar dhe analistët presin që prodhimi i saj të rritet me tetë për qind deri në vitin 2025.
Iraku renditet i pesti me një prodhim mesatar prej rreth 4.3 milionë fuçi në ditë. /tesheshi.com/
