Një irlandez është arrestuar në Bruksel pasi ka shkaktuar dëme të konsiderueshme në një skulpturë jashtë ndërtesës së vjetër të Bursës së qytetit.
Sipas Daily Dail, vepra e veçantë e artit e quajtur “Dora me pishtar” është një nga dy skulpturat që rreshtojnë hyrjen e ndërtesës.
Ngjarja ndodhi të dielën e kaluar, vetëm një ditë pasi godina neoklasike “La Bourse” u rihap pas punimeve të rinovimit që zgjatën tre vite dhe kushtuan gati 90 milionë euro. Këto punime përfshinin restaurimin e shtatores në fjalë, i cili kushtoi 17500 euro.
Ndërtesa tani strehon një qendër vizitorësh.
Videoja që qarkullon në internet tregon të riun, i cili duket i dehur, teksa ngjitet në skulpturën e cila paraqet një luan dhe pranë tij një burrë me një pishtar. Teksa përpiqet të zbresë, ai këpur një pjesë të dorës së figurës mashkullore.
A young Irishman has been arrested in Brussels, Belgium, after he climbed on to a recently renovated statue outside the stock exchange on Sunday and caused part of it to fall off, according to local media. Report here: https://t.co/dyx9mL0EDO pic.twitter.com/nalE6cGMjc
— The Irish Times (@IrishTimes) September 13, 2023
Siç raporton gazeta britanike, policia e ka gjetur personin pak më vonë në një fast-food aty pranë dhe e ka arrestuar.
Mediat belge raportojnë se do të kërkohet dëmshpërblim prej disa mijëra eurosh nga personi i arrestuar, i cili mësohet se është një turist irlandez.
Sipas menaxherit të punimeve të rinovimit në godinë, restaurimi i ri i skulpturës historike pritet të kushtojë shumë, sepse duhet t’u drejtohen zejtarëve të specializuar. /tesheshi.com/
