Në seancën e parë të proçesit për gjykimin e pjesëtarëve të grupit të armatosur që akuzohen për sulm mbi policinë maqedonase më 9 dhe 10 maj në “Lagjen e Trimave” në Kumanovë, 29 të akuzuarit i thanë trupit gjykues se janë të pafajshëm. Ndërsa avokatët mbrojtës të tyre, thanë se ata janë rrahur dhe keqtrajtuar gjatë kohës sa janë marrë në pyetje.
Madje sipas avokatëve, edhe nga pikëpamja proçeduriale ka shkelje, pasi proçesi i hetimit nuk quhet i përfunduar derisa për disa muaj me radhë të akuzuarit nuk kanë pasur qasje tek dëshmitë.
Për akuzën, të 29-tët janë organizuar për sulme terroriste në Maqedoni, me qëllim që të shkaktojnë pasiguri dhe frikë tek qytetarët. Aktakuza thoshte se ata janë pikërisht ata dhe autorët e një sulmi ndaj stacionit policor në fshatin Gushincë në prill, një muaj para ngjarjeve të Kumanovës, nga ku kanë marrë një sasi të madhe armësh.
Para se të niste seanca, por dhe gjatë saj, gjykata e Shkupit u rrethua nga forca speciale të sigurisë. Familjarët e të pandehurve nuk u lejuan të hyjnë në sallën e gjygjit, e po ashtu dhe ambasadori i Kosovës në Shkup, Ylber Hysa. /tesheshi.com/
