Pak orë pasi kreu i PD-së, Basha potencoi kushtin e votimit dhe numërimin elektronik, sipas tij si garanci për zgjedhje të ndershme, OSBE/ODIHR ka dalë me një deklaratë duke e rrëzuar përfundimisht këtë kërkesë të opozitës duke duke servirur të tjera çështje që duhet të rishikohen në reformën zgjedhore. Dhe si arsye jepet koha e pamjaftueshme
“Është shumë vonë për Komisionin e Reformës Zgjedhore që të adresojë të gjitha çështjet e pazgjidhura dhe rekomandimet e mëparshme në përmirësim ta legjislacionit zgjedhor. Megjithatë nuk është shumë vonë për të adresuar disa pika të rëndësishme, përpara se të mbahen zgjedhjet parlamentare të 2017-s, dhe disa nga këto fusha janë: Të rritet transparenca e financimit të fushatave elektorale; Forcimin e kuadrit ligjor për kërkesat gjinore në listat e kandidatëve të partive politike; Të forcojnë sanksionet për shkelësit e ligjit; Të përmirësojnë dispozitat ligjore mbi mbulimin mediatik të fushatës”, thuhet në deklaratëën e OSBE/ODIHR, që është njehërësh dhe autoriteti kryesor ndërkombëtar që i referohen partitë kur është fjala për procese zgjedhore. Mbetet të shihet në ditët në vijim se si do reagojë opozita, pasi nuk ka mundur dot të sigurojë një mbështetje ndërkombëtare për pretendimin e saj shndërruar në kusht. /tesheshi.com/
