Disa tifozë të Tiranës janë proçeduar penalisht nga policia, pas ndeshjes që ekipi i tyre luajti përballë Ilirisë së Fushë Krujës.
Sipas policisë, tifozë kundërshtuan punonjësit e policisë dhe prishën qetësinë publike gjatë zhvillimit të ndeshjes.
Policia tha se ka proçeduar 5 tifozë të moshës nga 19 deri në 27 vjeç, që i përkasin grupimit “Fanatics”.
Procedimi ndaj këtyre shtetasve filloi pasi më datë 16.09.2017, rreth orës 17:30, në stadiumin “Selman Stërmasi”, gjatë zhvillimit të ndeshjes Tirana-Iliria, kanë prishur qetësinë publike dhe kanë kundërshtuar e goditur me sende të ndryshme forcat e policisë të rendit publik.
Materialet iu referuan Prokurorisë së Rrethit Gjyqësorë Tiranë, në ngarkim të shtetasve të lartpërmendur për veprat penale “kundërshtimi i punonjësit të rendit publik” dhe “prishje rendit dhe qetësisë publike”, parashikuar nga nenet 236 dhe 274 të Kodit Penal. /tesheshi.com/
