Shtetet e Bashkuara hapën një proces gjyqësor të martën kundër ish-këshilltarit të Sigurisë Kombëtare John Bolton në përpjekje për të bllokuar botimin e librit të tij, për të cilin ata thonë se përmban informacion konfidencial dhe kërcënon sigurinë kombëtare.
Procedimi gjyqësor civil u ngrit një ditë pasi Presidenti Donald Trump tha që Bolton do të shkelte ligjin nëse libri do botohej, njoftoi Reuters.
Trump e shkarkoi Boltonin në shtatorin e vitit të kaluar pasi kaloi 17 muaj si këshilltar i Sigurisë Kombëtare të Shtëpisë së Bardhë.
Trump u tha gazetarëve të hënën se Bolton e di se ai ka informacion të klasifikuar në librin e tij.
Prokurori i Përgjithshëm William Barr tha se Departamenti i Drejtësisë po përpiqet të bindë Bolton që të fshijë informacionin e klasifikuar.
Libri i Boltonit “The Room Where It Happened” pritet të botohet në 23 qershor.
Botuesi tha në një deklaratë të premten se libri jep një pamje “të brendshme” për procesin e vendimmarrjes së Trump.
Libri flet për mënyrën sesi Trump ka trajtuar Kinën, Ukrainën, Korenë e Veriut, Rusinë, Iranin dhe marrëdhëniet e tij me Britaninë, Francën dhe Gjermaninë, thotë Simon dhe Schuster.
“Ky është një libër që Donald Trump nuk dëshiron që ju ta lexoni,” shtoi ai.
Trump shkarkoi Bolton në shtator për mosmarrëveshjet për një numër çështjesh të politikës së jashtme. /tesheshi.com/
