Kryeministri Ramush Haradinaj, në ditën e dytë në këtë detyrë, ka vizituar Korporatën Energjetike të Kosovës (KEK), ku theksoi se askush nuk do të guxojë që të rrezikojë prodhimin e energjisë. Gjithashtu ai shtoi se çështja e shpronësimeve në pjesën e Shipitullës dhe Hades është zvarritur pa arsye.
Haradinaj ka thënë se nëse në një afat të caktuar nuk gjendet një zgjidhje për banorët e këtij fshati, dikush duhet të mbajë përgjegjësi, duke filluar nga vetë ai.
“Kjo është një qeveri e re, do të funksionojë ndryshe, nëse në afat të caktuar zgjidhja nuk gjendet dikush do të japë llogari, duke filluar prej nesh, nga unë”, ka deklaruar ai.
Sa i përket rritjes së pagave për punëtorët e KEK ai ka thënë se kjo duhet të bëhet, por aktualisht është duke u marrë me prodhimin e energjisë./tesheshi.com/
