Nga Blendi Gashi
Shpend Ahmeti, si kryetar i Prishtinës gjatë mandatit të parë si vetëvendosës, rival të mëdhenj kishte dy partitë kryesore PDK – LDK-në. Gjatë mandatit të parë qeverisës Ahmeti hodhi akuza të mëdha në drejtim të këtyre partive për pengesa në punë duke i quajtur si të korruptuara ku u përplas në vazhdimësi në Kuvendin Komunal me zyrtarë të tyre, ndërsa fliste si Vetëvendosje po e çliron kryeqytetin.
Por në mandatin e dytë, Ahmeti më “armiqtë” më të mëdhenj nuk i ka PDK-në e LDK-në, por ish-partinë e tij Vetëvendosje, konkretisht asambleistët e saj që po kritikojnë me të gjitha mjetet.
Kjo po ndodh për shkak se dikur “kryetari më i mirë” i tradhtoi dhe formoi partinë e tij, apo saktë mori timonin e partisë së dytë më të vjetër të vendit, Partisë Socialdemokrate, ku ka nisur rrugëtim të ri politik me disa nga ish-figurat kryesore të VV-së që ikin nga kjo parti pas ndarjes që ndodhi muaj më parë,
Mbledhja e gjashtë e Kuvendit Komunal të Prishtinës e mbajtur të hënën u shndërrua në arenë përplasjesh Ahmeti-Vetëvendosje.
“Mollë sherri” u bë (mos)funksionimi i Ndërmarrjes Publike Banesore (NPB) që po përplas ish-shokët e idealit prej që u ndanë mes vete.
Dy asambleistët e VV-së, Eman Rrahmani dhe Egzon Ahmeti pyetën kryetarin Ahmeti për mosfunksionimin e NPB-së e cila ka mbetur pa kryeshef si pasojë mosmarrëveshjeve në mes të VV-së dhe PSD-së.
Ahmeti u kundërpërgjigj duke akuzuar asambleistin Azemi që është edhe aksionar në NPB, se po fle në ndërmarrje për të mos e lejuar të hyjë askënd në të.
Azemi iu kundërpërgjigj Ahmetit duke thënë se kjo nuk ka ndodhur asnjëherë.
Situata e tensionuar vazhdoi kur asambleisti Azemi i tha Ahmetit se ai po gënjen publikisht.
“Po më vjen turp si ke kaq guxim me gënjye publikisht ti kam kërkuar me diskutua për çështje të ndryshme dhe shkelje ligjore me emaili të kam kërkuar jo filma sinqerisht po bënë gënjeshtra po thu herë Liburn Aliu e herë Xhelal Sveqla po flenë në një ndërmarrje publike banesore, ju nuk keni guxim për asgjë”, tha ai.
Ahmeti kundërpërgjigjet duke u thënë dy asambleistëve të VV-së të konkurojnë për kreytar të NPB-së dhe procedura do mbikëqyret nga Ambsada Britanike.
“A po më len me fol? Kush je ti? Kush je ti? Nuk mundesh ti me ma ndal mu fjalën. Nalu! Mshele gojën”, i tha Ahmeti, asamblistit të VV-së, Eman Rrahmani.
“Hajdeni krejt në intervistë, hajde edhe ti Eman Rrhamani edhe ti Egzon Azemi, po e zgjedhim me intervista me Ambasadën Britanike drejtorin më të mirë të mundshëm, leni këto fare pune, anëtarë, çanëtarë i PSD-së”, tha më tej Ahmeti. /tesheshi.com/
