Menjëherë pasi zjarri shpërtheu në një cisternë iraniane pranë rafinerisë Baniya në Siri, ai u lokalizua dhe dyshohet të jetë shkaktuar nga një sulm me dron, njoftoi organizata jo-qeveritare Observatori Sirian për të Drejtat e Njeriut (SOHR).
Sipas televizionit iranian, fjala është për një nga tre cisternat iraniane me furnizime që kanë arritur së fundmi në terminalin e naftës siriane. Dy predhat dyshohet se kanë shkaktuar dëme materiale, por nuk ka pasur viktima.
Ekziston një rafineri në qytetin bregdetar sirian të Baniyas, e cila, së bashku me atë në Homs, mbulon kërkesën për naftë, karburant për ngrohje, benzinë dhe produkte të tjera të naftës, thonë ekspertët e industrisë.
Siria e shkatërruar nga lufta varet nga furnizimet me karburant nga Irani, i cili nga ana tjetër është nën sanksione perëndimore.
Izraeli nuk e ka komentuar ende rastin.
Izraeli periodikisht sulmon pozicionet iraniane në Siri. Dhjetë ditë më parë, Irani akuzoi Izraelin për “sabotimin” e uzinës bërthamore të pasurimit të uraniumit Natanz. /tesheshi.com/
