Mëngjesin e sotshëm është shoqëruar për të disajtën herë kreu i Lëvizjes Vetëvendosje, Visar Ymeri, në bazë të një kërkese të bërë nga ana e Gjykatës Themelore.
Nga ana e Policisë së Kosovës është bërë me dije se është dhënë një urdhër që Ymeri të shoqërohet në orën 10:00 në gjykatë.
Kjo është hera e dytë që kreu i Vetëvendosjes ndalohet dhe shoqërohet në Gjykatën Themelore në Prishtinë lidhur me një grindje të vitit 2012 në Kuvend.
Shoqërimi i tij nga policia ka ndodhur pasi, për rastin në fjalë, kreu i Vetëvendosjes nuk ka përfillur thirrjet e gjykatës dhe për shkak të rrezikut të vjetërimit të çështjes.
Në këtë gjykim Ymeri, deputeti Rexhep Selimi dhe ish-deputeti i Vetëvendosjes Florin Krasniqi akuzohen për sulm fizik ndaj deputetit të PDK-së, Bekim Haxhiu. Në gjykatë ndodhet edhe deputeti Rexhep Selimi.
Ngjarja ka ndodhur më 28 qershor 2012 në parkingun e Kuvendit të Kosovës. /tesheshi.com/
