Kryetari i Partisë Social Demokrate në Gjermani Thomas Oppermann ka thënë se rrjetet sociale si Facebook do të gjobiten me një shumë prej 500.000 euro, nëse nuk heqin brenda 24 orëve lajmet e rreme që publikojnë.
“Facebook ende nuk ia ka dalë mbanë të menaxhojë problemin e ankesave për publikim të lajmeve të rreme, prandaj ne do të kërkojmë ligjërisht ngritjen e një zyre për mbrojtjen ligjore të personave të prekur prej tyre. Zyra do të qendrojë e hapur për 24 orë në 365 ditët e vitit,” është shprehur ai për revistën gjermane “Der Spiegel”.
Politikanët gjermanë i tremben faktit se përdorimi i gjuhës së urrejtjes dhe lajmeve të rreme në rrjetet sociale mund të ndikojnë opinionin publik në vend, para zgjedhjeve federale që do të mbahen në vend vitin e ardhshëm, thuhet në artikull.
Deputeti është shprehur se pavarësisht se mediat sociale janë një mundësi e re për komunikimin politik, ato shpesh herë kanë shërbyer edhe si katalizatorë të përhapjes së urrejtjes në vend me anë të publikimit të lajmeve të rreme./tesheshi.com/
