Përfaqësuesja e Portugalisë është kthyer sot në atdhe pas atij suksesi të jashtëzakonshëm të arritur mbrëmë në Paris.
Një pritje e jashtëzakonshme u është rezervuar portugezëve që në aeroport, për të vijuar më pas në rrugët e Lisbonës.
Autobusi i hapur, që mbartte heronjtë e Portugalisë, është përshëndetur nga mijëra njerëz.
Eshtë një sukses që do të festohet gjatë në Portugali, pasi është i pari në historinë e futbollit të këtij vendi.
Portugalia fitoi mbrëmë 1-0 ndaj Francës në finalen e Euro 2016-tës. Edhe pse pa Ronaldo-n në pjesën më të madhe të lojës, portugezët ia dolën ta bëjnë të tyren trofeun në mes të Parisit pas golit të Eder-it në shtesat 15-minutëshe.
Portugezët patën një nisje të dobët të aktivitetit, e për pak gjë dhe mund të ishin eliminuar, por ndeshje pas ndeshje e rritën nivelin e lojës së tyre, e po ashtu dhe vetëbesimin. Për të arritur në triumfin e mbrëmjes të së dielës së 10 korrikut. /tesheshi.com/
