I paragjykuar, deri dhe i akuzuar për prurjen e parë të vaksinave Pfizer, e cila ndodhur jashtë syve të publikut, kryeministri Rama vendosi që të bënte publike prurjen e dytë, duke dalë në pistën e Rinasit, ku mbërriti avioni me vaksina, së bashku me ministren Manastirliu.
Fjala është për 1170 doza.
“Do transportohen në Institutin e Shëndetit Publik. Vaksinat me të gjitha parametrat e sigurisë, hapet kutia dhe verifikohen të gjitha parametrat dhe futen në frigoriferin -80 gradë. Nga ISHP do të shpërndahet. Policia e Shtetit do të shoqërojë makinën e vaksinave”, tha Manastirliu.
Do vazhdojë me mjekët dhe infermierët. Kur të vijnë dozat e shkurtit do vijojnë me moshat e thyera”, tha Rama.
Ai ndërkohë vijoi të ironizojë qasjen konspiracioniste dhe dyshuese ndaj vaksinave që vijnë në Shqipëri, apo ndaj asaj që ai vetë bëri në krah në nisjen e procesit afro dy javë më parë.
“Dikush më tha pse e mban akoma maskën, apo nuk beson të vaksina apo ishte ujë fiziologjik?
Ujin kemi nevojë që ta shkarkojmë nga kokat e disa analistëve se kanë një përmbajtje uji mbi normën, ndërkohë që unë kam bërë vaksinën dhe siç e kam premtuar do ju jap evidencën e anti-trupave që të shohim efektin që vaksina ka bërë te unë dhe do besoni se ose kam përmbajtje prej kreshniku ose vaksina ka funksionuar. Unë ju ftoj të besoni të dytën”, tha Rama.
Gjithashtu, i pari i qeverisë sqaroi se përse Shqipëria u rri larg vaksinave të Kinës dhe Rusisë.
“Sa i përket vaksinës ruse dhe kineze, asnjë paragjykim të natyrës shkencore; respekt për shkencëtarët që i kanë dhënë jetë këtyre dy vaksinave, por zgjidhja jonë është që do të kërkojmë vaksina në krahun perëndimor dhe jo lindor.
Është një zgjedhje e bërë prej nesh, sepse e përsëris se këtu janë shumë komponent bashkë. Nëse BE do të hapet ndaj këtyre vaksinave ne do të shikojmë këtë qasje, për sa kohë është i mbyllur përballë këtyre vaksinave”, tha Rama. /tesheshi.com/
