Eshtë shprehur e para zemëratë publike nga radhët e opozitës në lidhje me pritjen që iu rezervua kryeministrit Erdogan.
Ajo ka ardhur nga kreu republikan Fatmir Mediu, një figurë krejt periferike në zhvillimet politike, por që mbahet në qendër nga media, e cila ka zgjedhur t’i marrë mendim për shumë çështje, edhe pse Mediu nuk përfaqëson asnjë profil të specializuar në ndonjë aksh fushë apo veprim politik.
“Ajo që pashë dje e them mirëpritje, por të organizuar në nivelin e një butaforie elektorale.
Dhe nuk është hera e parë qe Erdogan ndërhyn në çështjet e brendshme.
Një marrëdhënie mes shteteve nuk duhet të jetë individiale, por një marrëdhënie historike që ka qëllime të përbashkët.
Nuk mund të ndërhysh në procesin zgjedhor të vendit tonë.
Ne sot po shkojmë drejt një shtet që ka vetëm një njeri që nuk pyet as për ligj e as kushtet. NATO dhe BE këto janë dy boshte politike të jashtme, partneritet strategjik me SHBA dhe BE.
Rama ka homolog kryeministrin, jo Erdogan.
Ka një tendencë të turqve për të pasur një influencë më të madhe në komunitetin musliman në Shqipërinë dhe ajo që mua më intereson është që Shqipëria të ruaj identitetin kombëtar”, tha Mediu në një intervistë televizive. /tesheshi.com/
Kujtojmë se sipas trashëgimisë politike partiake, referuar asaj se çfarë kauze përfaqësonte Sabri Godo, njeriu që ia la partinë, Mediu duhej të fliste vetëm për çështje pronash, gjë që s’e bën kurrë, e as media nuk i qaset për këtë.
