Presidenti Nishani i akordoi Kukësit dekoratën “Nder i Kombit” me motivacionin “Për solidaritetin, mikpritjen e rrallë dhe humanizmin e pashoq të treguar ndaj motrave e vëllezërve shqiptarë nga Kosova, gjatë shpërnguljes së tyre masive me dhunë nga makineria ushtarake e Millosheviçit në vitin 1999”.
I pranishëm në qytetin verior në kuadër të ceremonive në përkujtim të eksodit të shqiptarëve të Kosovës të vitit 1999, kreu i shtetit shqiptar tha se ishte unike dhe të papërsëritshme pritja që kuksianët u bënë kosovarëve.
“Mikpritja është pasuria që trashëguan shqiptarët. Ju sfiduat edhe skeptikët e kohës, meritoni të viheni në piedestal”, iu drejtua Nishani banoërve të Kukësit.
17 vjet më parë, në Kukës u dyndën afro 500 mijë shqiptarë të Kosovës dhe qyteti verior shqiptar ishte për javë me radhë në qendër të mediave botërore. /tesheshi.com/
